BeautyLizer մերսում (RSL-sculpting)

Beautylizer-ը ցելյուլիտի դեմ պայքարի լավագույն սարքերից մեկն է:

Մարմնի ձևավորման այս մեթոդը կոչվում է RSL-sculpting և հիմնված է վիբրացիոն սեղմման և LED թերապիայի համադրության վրա: Beautylizer սարքը նրբորեն, բայց խորը ներգործում է հյուսվածքների վրա՝ ազդելով մաշկի բոլոր շերտերի և նույնիսկ մկանների վրա:

Ի՞նչ է RSL-sculpting:

RSL (Rotational Sphere Lymphatic) նորարարական մերսման տեխնիկա է, որի դեպքում մարմինը ենթարկվում է 72 պտտվող գնդիկներով մանիպուլյատորի ազդեցությանը: Այս գնդիկները ոչ միայն գլորվում են մաշկի վրայով, այլև շարժվում են տարբեր արագություններով, ամպլիտուդներով և ուղղություններով՝ ստեղծելով 3D մերսման էֆեկտ:

Մեթոդը համատեղում է.

• Լիմֆատիկ ջրահեռացման մերսում – նրբորեն հեռացնում է ավելորդ հեղուկը, թեթևացնում այտուցը:
• Միոստիմուլյացիա – բարելավում է մկանների տոնուսը և ձգում ուրվագիծը:
• Sculpting մոդելավորում – քայքայում է ճարպային պարկուճները, պայքարում է գնդիկավորության և ցելյուլիտի դեմ:
• LED լուսային թերապիա – բջիջներում խթանում է  նյութափոխանակությունը, բարելավում է մաշկի գույնը և կառուցվածքը:

Ինչպե՞ս է ընթանում պրոցեդուրան:

1. Մաշկին քսվում է հատուկ լոսյոն կամ յուղ:
2. Մասնագետը դանդաղորեն շարժում է սարքի մանիպուլյատորը մարմնի վրայով՝ միացնելով ցանկալի ռեժիմը։
3. Մերսման ընթացքում պացիենտը զգում է հաճելի թրթռում և մեղմ պտույտներ. այն ցավոտ կամ գրգռող չէ, ընդհակառակը՝ թուլացնող է։

Մշակման ենփակա հատվածներ՝ ոտքեր, հետույք, որովայն, կողքեր, ձեռքեր, մեջք։

Սեանսի տևողությունը՝ 30-60 րոպե

Կուրս՝ 6-ից 10 պրոցեդուրա՝ կախված մաշկի վիճակից և նպատակներից։

Ի՞նչ է տալիս Beautylizer պրոցեդուրան։

• Նվազեցնում է նույնիսկ արտահայտված ցելյուլիտի տեսանելիությունը։
• Նվազեցնում է մարմնի ծավալներն ու «նարնջի կեղևի» արտահայտվածությունը։
• Ամրացնում և ձգում է մաշկը։
• Նվազեցնում է հեղուկի կուտակումն ու այտուցները։
• Բարելավում է արյան շրջանառությունն ու նյութափոխանակությունը։
• Մարմնի ուրվագիծը դարձնում է ավելի հստակ և ձիգ։

Ինչո՞վ է տարբերվում այլ հակացելյուլիտային մերսումներից։

• Ցավի բացակայություն — նույնիսկ ինտենսիվ ազդեցության դեպքում կապտուկներ չեն առաջանում։
• Խորը ազդեցություն — գնդերի անկախ շարժման շնորհիվ ազդեցությունը հասնում է հյուսվածքների խոր շերտերին։
• Լուսային թերապիա — ակտիվացնում է մաշկի վերականգնման գործընթացները։
• Բազմակողմանիություն — պրոցեդուրան կարելի է իրականացնել նույնիսկ երակների վարիկոզ լայնացման դեպքում՝ ոչ սուր փուլում և ըստ ցուցումների։