Պոդոլոգիա

Պոդոլոգիան ոտնաթաթերի և եղունգների առողջությամբ զբաղվող ուղղություն է։ Պոդոլոգն աշխատում է այն ամենի հետ, ինչը խանգարում է քայլելուն և անխնամ տեսք ունի՝ ներաճած և հաստացած եղունգներ, սնկային վարակ, կոշտուկներ, ոտնաթաթի կոշտացումներ, ճաքեր։ Ի տարբերություն սրահի վարպետի՝ նա այս խնդիրներում տեսնում է ոչ միայն էսթետիկան, այլև պատճառը, որը կարևոր է վերացնել, որպեսզի խնդիրը չկրկնվի։

Ինչ է ներառում ուղղությունը

• Բժշկական պեդիկյուր — ոտնաթաթերի և եղունգների ապարատային մշակում, այդ թվում՝ դիաբետիկ ոտնաթաթի և պսորիազի դեպքում․
• Ներաճած եղունգի անցավ բուժում — տիտանե թելով կորեկցիայից մինչև ներաճած եզրի հեռացում (ռեզեկցիա)․
• Եղունգների սնկի բուժում — ախտահարված եղունգների մշակում և կարմիր լույսով ֆոտոդինամիկ թերապիա․
• Կոշտուկների բուժում — ոտնաթաթի կոշտացումներ, առանցքավոր կոշտուկներ, ներբանային գորտնուկներ․
• Կրունկների և ոտնաթաթերի ճաքերի բուժում — մակերեսային և խորը ճաքերի․
• Վնասված եղունգների բուժում — գել-լաքից, երկարացումից, քիմիական այրվածքից հետո, ձեռքերի և ոտքերի վրա։

Ինչպես է անցնում առաջին այցը

Պոդոլոգը զննում է ոտնաթաթերը և եղունգները, հետաքրքրվում է Ձեր գանգատներով, կոշիկներով, քրոնիկ հիվանդություններով, օրինակ՝ շաքարային դիաբետով, որի դեպքում ոտնաթաթերի խնամքը հատկապես կարևոր է։ Այնուհետև բացատրում է, թե ինչ է կատարվում, և առաջարկում ծրագիր․ հաճախ բուժումը կարելի է սկսել նույն օրը։ Սնկային վարակի կասկածի դեպքում մասնագետը կարող է ուղեգրել լաբորատոր հետազոտության։

Այցի վերջում Դուք ստանում եք տնային խնամքի և կոշիկների վերաբերյալ խորհուրդներ․ դրանցից մեծապես կախված է, թե որքան երկար կպահպանվի արդյունքը։ Այցերի քանակը և դրանց միջև ընդմիջումները մասնագետը որոշում է անհատապես։

Երբ արժե դիմել

• եղունգի եզրը ցավում է, շուրջը մաշկը կարմրել կամ այտուցվել է․
• եղունգը փոխել է գույնը, հաստացել է, փշրվում է կամ անջատվում է եղունգնամահճից․
• կոշտուկները, կոշտացումները և ճաքերը կրկնվում են՝ չնայած տնային խնամքին․
• Դուք ունեք շաքարային դիաբետ․ ոտնաթաթերին անհրաժեշտ է կանոնավոր մասնագիտական խնամք և ուշադիր զննում։

Ով է ընդունում

Միրզոյան Հասմիկ Ալբերտի — «ՄեդԷսթ» կլինիկայի պոդոլոգ։ Կատարում է բժշկական պեդիկյուր, բուժում է ներաճած, սնկով ախտահարված և վնասված եղունգներ, ոտնաթաթերի կոշտուկներ և ճաքեր։