Սեզոնային մազաթափություն. Առասպել, թե՞ իրականություն։

Ամեն աշուն հիվանդները ավելի ու ավելի հաճախ են դիմում տրիխոլոգներին նույն հարցով. «Ինչո՞ւ են մազերը սովորականից ավելի շատ թափվում։ Սա նորմա՞լ է, թե՞ կա առիթ մտահոգվելու»։

Սեզոնային մազաթափությունը երևույթ է,որի մասին շատ են խոսում, բայց միշտ չէ, որ հասկանում են նրա բնությունը։ Եկեք հասկանանք, թե իրականում ինչ է կատարվում և երբ է պետք դիմել մասնագետի։

Մարմնի բնական բիոռիթմը

Մարդկանց մոտ տեղի են ունենում մազերի վերականգնման ցիկլեր։ Ամռանը մազի ֆոլիկուլներն ավելի ակտիվ են.  շատ արև, վիտամին D և գլխամաշկի արյան շրջանառության ավելացում։ Աշնանը մոտ մազերի մի մասը մտնում են հանգստի փուլ (տելոգեն), ինչը հանգեցնում է մազաթափության աճի՝ սովորաբար արևային ակտիվության գագաթնակետից 2-3 ամիս անց։

Սա նորմալ է, եթե մազաթափությունը չափավոր է և առանց այլ ախտանշանների։

Հետազոտությունները հաստատում են.

• Մարդկանց մեծ մասի մոտ մազաթափության գագաթնակետը տեղի է ունենում սեպտեմբեր- նոյեմբեր ամիսներին

• իսկ աճի գագաթնակետը տեղի է ունենում գարնանը և ամռան սկզբին։

Այսպիսով, աշնանը մազաթափության փոքր-ինչ աճը ֆիզիոլոգիական իրողություն է։

Ե՞րբ է «սեզոնային» մազաթափությունը դառնում տագնապալի

Կարևոր է հասկանալ. սեզոնայնությունը միայն մազաթափությանը արագացնող իրողոիթյուն է, այլ ոչ թե խնդրի հիմնական պատճառը: Եթե ֆոլիկուլները թուլացել են սթրեսի, անբավարարության կամ հորմոնալ անհավասարակշռության պատճառով, խնդիրն ավելի նկատելի է դառնում հենց աշնանը:

Ահազանգող նշաններ.

• մազաթափությունը շարունակվում է ավելի քան 6-8 շաբաթ.

• մազերը թափվում են խուրցով, նկատելիորեն նոսրանում.

• մազերի ճաղատություն կամ լայնացած բաժանումներ.

• քոր, թեփոտում կամ գլխամաշկի բորբոքում.

• քրոնիկ սթրես, դիետա, հիվանդություն կամ հորմոնալ խանգարումներ:

Այս դեպքում խոսքը գնում է ոչ թէ սեզոնային մազաթափության մասին, այլ անհայտ վիճակի, որը պահանջում է ախտորոշում:

Ի՞նչ անել: Ամենակարևոր քայլը ախտորոշումն է:

Բուժումը չի կարելի սկսել առանց պատճառը իմանալու. նույն մազաթափությունը կարող է առաջանալ անդրոգեն ալոպեցիայի, ռեակտիվ թելոգեն էֆլուվիումի, երկաթի անբավարարության, վահանաձև գեղձի դիսֆունկցիայի, սթրեսի կամ վատ խնամքի պատճառով:

Medest-ում առաջին քայլը տրիխոսկոպիան է:

Այս մեթոդը թույլ է տալիս՝

• գնահատել ֆոլիկուլների վիճակը
• որոշել մազերի խտությունը
• հայտնաբերել միկրոբորբոքումները
• հասկանալ ալոպեցիայի տեսակը և դրա ծանրությունը

Միայն դրանից հետո բժիշկը կազմում է անհատականացված վերականգնման ծրագիր։

Medest-ում ի՞նչպես են օգնում սեզոնային և ռեակտիվ մազաթափության դեպքում։

PRP (պլազմային թերապիա) թերապիա

Մազերի աճը խթանելու ամենաարդյունավետ մեթոդներից մեկը՝ հիմնված հիվանդի անհատական մազի աճի գործոնների վրա։

PRP-ն օգնում է.

• ակտիվացնել քնած ֆոլիկուլները,

• ամրացնել արմատները,

• նվազեցնել մազաթափությունը,

• բարելավել մազերի որակը և խտությունը 3-4 պրոցեդուրայից հետո։

Medest-ում PRP-ն իրականացվում է այնպիսի արձանագրությունների միջոցով, որոնք մեծացնում են թրոմբոցիտների կոնցենտրացիան՝ զգալիորեն բարձրացնելով բուժման արդյունավետությունը։

HELEO4 LED թերապիա

Մեկ այլ արդյունավետ բուժման տարբերակ. LED բուժում՝ HELEO4 սարքավորումով։ Պրոցեդուրայի ժամանակ օգտագործվում է լազերային խթանում, որը բարելավում է միկրոշրջանառությունը և նվազեցնում բորբոքումը՝ շնորհիվ ֆոտոդինամիկ էֆեկտների։ HELEO4 LED թերապիան մեծացնում է արյան շրջանառությունը, ամրացնում մազերի արմատները և զգալիորեն բարձրացնում է այլ բուժումների, այդ թվում՝ մեզոթերապիայի արդյունավետությունը։

Խնամքի խորհրդատվություն

Մեր մասնագետները կօգնեն ձեզ ընտրել անհատականացված տնային խնամքի ռեժիմ՝ հիմնվելով ձեր մաշկի յուրահատկության և մազերի վիճակի վրա։ Առավելագույն արդյունքի հասնելու համար մենք խորհուրդ ենք տալիս պրոֆեսիոնալ DSD արտադրանքը. դրանք լրացնում են պրոցեդուրաները և պահպանում արդյունքները՝ այցելությունների միջև։

Եզրակացություն. սեզոնային մազաթափությունը գոյություն ունի, բայց այն չպետք է լինի աղետալի։ Աշնանը թեթև մազաթափությունը նորմալ է, բայց եթե ձեր մազերը նկատելիորեն նոսրանում են, խնդիրը տևում է մի քանի ամսից ավելի կամ ուղեկցվում է գլխամաշկի անհարմարությամբ, ապա ավելի լավ է չսպասել և դիմել Medest-ի տրիխոլոգի խորհրդատվությանը։