Դեմքի և մարմնի անոթների հեռացում

Անոթային «աստղիկները» և ցանցերը լայնացած մանր անոթներ են, որոնք երևում են մաշկի միջով։ «ՄեդԷսթ» կլինիկայում դրանք հեռացնում են Fotona պլատֆորմի Nd:YAG լազերով․ ճառագայթը տաքացնում է անոթը, դրա պատերը «սոսնձվում» են, և այն աստիճանաբար դադարում է երևալ։ Շրջակա հյուսվածքներն այդ ընթացքում չեն վնասվում։

Ինչ խնդիրներով են մեզ դիմում

• կարմիր կամ կապտավուն «աստղիկներ» քթի թևերին, այտերին, կզակին․
• անոթային ցանց և դեմքի կայուն կարմրություն․
• առանձին լայնացած անոթներ մարմնի և ոտքերի վրա։

Լայնացած անոթների պատճառները շատ են՝ ժառանգականություն, լյարդի հիվանդություններ, երակային արտահոսքի խանգարումներ, հղիություն, հորմոնալ պատրաստուկների ընդունում։ Արտաքին գործոններից՝ արևի և սոլյարիումի չարաշահում, ցրտահարություններ, վնասվածքներ, խորը պիլինգներ։ Եթե ոտքերի վրա անոթները շատ են կամ խոշոր են, բժիշկը կարող է խորհուրդ տալ նախ հետազոտել երակները։

Ինչպես է անցնում պրոցեդուրան

Բժիշկը զննում է անոթները, ճշտում հակացուցումները և ընտրում լազերի պարամետրերը։ Պրոցեդուրան կատարվում է առանց անզգայացման․ մշակման ընթացքում մաշկը սառեցնում են սառը օդի հոսքով, ինչը նվազեցնում է անհարմարությունը և պաշտպանում շրջակա հյուսվածքները։ Իմպուլսի պահին զգացվում է կարճատև այրոց կամ չխկոց։

Մշակված անոթը կարող է անմիջապես անհետանալ, կամ սկզբում մգանալ․ սա նույնպես նորմալ ռեակցիա է, և այդ դեպքում այն սովորաբար անհետանում է մի քանի շաբաթվա ընթացքում։ Խոշոր անոթների հեռացումից հետո երբեմն մնում են փոքր կապտուկներ, որոնք անցնում են ինքնուրույն։ Արժեքը կախված է տարրերի քանակից․ աստիճանավորումը նշված է այս էջի աղյուսակում։

Քանի պրոցեդուրա է պետք և երբ է երևում արդյունքը

Մանր անոթները, որպես կանոն, հեռացվում են առանց հետքի, խոշորները նկատելիորեն գունատվում և փոքրանում են։ Երբեմն խոշոր անոթների համար անհրաժեշտ է կրկնակի պրոցեդուրա։ Պրոցեդուրաների քանակը և ընդմիջումը բժիշկը որոշում է խորհրդատվության ժամանակ։ Կարևոր է հիշել՝ լազերը հեռացնում է արդեն լայնացած անոթները, բայց ոչ դրանց առաջացման պատճառը, ուստի ժամանակի ընթացքում կարող են առաջանալ նորերը։

Ընդհանուր կարմրության և դեմքի բազմաթիվ մանր անոթների դեպքում բժիշկը կարող է առաջարկել IPL ֆոտոթերապիա, որն աշխատում է մեծ մակերեսի վրա։

Ով է կատարում

Պրոցեդուրան կատարում է դերմատոլոգը․ անոթները հեռացնելուց առաջ կարևոր է համոզվել, որ կարմրությունը կապված չէ ռոզացեայի կամ մաշկի այլ հիվանդության հետ, որը բուժում է պահանջում։

Շիշմանյան Մարինա Էդուարդի՝ կլինիկայի գլխավոր բժիշկ, դերմատովեներոլոգ, դերմատոկոսմետոլոգ, 18 տարվա փորձով։ Հարությունյան Սոնա Վահանի՝ դերմատոլոգ և կոսմետոլոգ, 20 տարվա փորձով, լազերային տեխնոլոգիաների հավաստագրված մասնագետ։ Երկուսն էլ ավարտել են Մխիթար Հերացու անվան Երևանի պետական բժշկական համալսարանը։

Ինչպես նախապատրաստվել

• պրոցեդուրայից առաջ չարևայրվել և չայցելել սոլյարիում․
• առանց բժշկի հետ համաձայնեցնելու չանել պիլինգներ և գրգռող այլ պրոցեդուրաներ մշակման գոտում․
• պրոցեդուրայից հետո պաշտպանել մաշկը արևից, առաջին օրերին չայցելել բաղնիք և սաունա։

Մանրամասն՝ հոդվածներում․ ինչու է առաջանում դեմքի կարմրությունը և անոթային «աստղիկները» և անոթային ցանց․ ընտրություն IPL-ի և լազերի միջև։