Բժշկական ոտնահարդարում․ ինչ է այն և ինչով է տարբերվում սովորական ոտնահարդարումից

Եթե կարծում եք, որ ոտնահարդարումը միայն եղունգների լաքման և գեղեցիկ տեսքի մասին է, ապա մասամբ եք ճիշտ։ Գոյություն ունի մեկ այլ՝ հիմնովին տարբեր պրոցեդուրա՝ բժշկական ոտնահարդարումը։ Այն կենտրոնացած է ոչ թե գեղեցիկ արդյունքի, այլ ոտքերի առողջության վրա։

Երևանում գտնվող Մեդսեթ կլինիկայում բժշկական ոտնահարդարումը կատարվում է պոդոլոգների կողմից՝ մասնագետների, ովքեր ունեն բժշկական կրթություն և զբաղվում են ոտքերի խնդիրների ախտորոշմամբ և բուժմամբ։

Ինչ է բժշկական Ոտնահարդարումը

Բժշկական ոտնահարդարումը թերապևտիկ պրոցեդուրա է, որը կատարվում է պոդոլոգի կողմից՝ կիրառելով մասնագիտական, բժշկական կարգի սարքավորումներ։ Դրա նպատակը ոչ թե արտաքին թերությունների շտկումն է, այլ եղունգների և մաշկի խնդիրների պատճառների վերացումը։

Պոդոլոգը աշխատում է տարբեր չափերի և տարբեր կոշտության հատուկ գործիքների միջոցով, մասնագիտացված սայրերով, խարտոցներով, ինչպես նաև օգտագործում է պրոֆեսիոնալ բժշկական միջոցներ։

Սովորական ոտնահարդարումից տարբեր՝ բժշկական ոտնահարդարումի ընթացքում ոտքերը ջրում չեն թրջվում։ Փոխարենը, մաշկը փափկացվում է հատուկ լոսյոնների և քսուքների միջոցով։ Սա հատկապես կարևոր է սնկային վարակների դեպքում, քանի որ տաք ջրով լոգանքները կարող են արագացնել վարակի տարածումը։

Ինչով է բժշկական ոտնահարդրումը տարբերվում դասական ոտնահարդրումից

Այս երկու պրոցեդուրաների տարբերությունը հիմնարար է․

• Դասական ոտնահարդրումը կենտրոնացած է արտաքին գեղեցկության վրա՝ խնամք, լաք, եղունգների ձևավորում
• Բժշկական ոտնահարդրումը ուղղված է բուժմանը, ախտորոշմանը և կանխարգելմանը
• Սրահի մասնագետը հոգ է տանում արտաքին տեսքի մասին, իսկ պոդոլոգը աշխատում է խնդրի պատճառի վրա 
• Պոդոլոգը օգտագործում է ստերիլ, պրոֆեսիոնալ, բժշկական կարգի սարքավորումներ

Եթե որևէ խնդիր չի վերանում սովորական ոտնահարդրումից հետո կամ կրկնվում է երկու շաբաթվա ընթացքում, դա նշան է, որ անհրաժեշտ է դիմել պոդոլոգի։

Երբ է անհրաժեշտ բժշկական ոտնահարդրումը

Պրոցեդուրան ցուցված է հետևյալ դեպքերում․

• Կոշտուկներ և կոպտացումներ — հատկապես խոր և ցավոտ
• Ճաքած կրունկներ — ինչպես մակերեսային, այնպես էլ խոր
• Ներաճած եղունգներ — շտկում առանց վիրահատական միջամտության
• Օնիքոմիկոզ — եղունգների և մաշկի սնկային վարակ
• Դիաբետիկ ոտք — պահանջում է հատուկ, ռիսկերը նվազեցնող մոտեցում
• Եղունգների դեֆորմացիաներ — ձևի փոփոխություն կամ հաստացում

Բժշկական ոտնահարդրումը խորհուրդ է տրվում նաև շաքարային դիաբետ, վարիկոզ լայնացումներ և այլ անոթային խնդիրներ ունեցող մարդկանց, քանի որ նման դեպքերում սովորական կոսմետիկ խնամքը կարող է լինել վտանգավոր։

Ինչպես է իրականացվում պրոցեդուրան Մեդսեթ կլինիկայում

Յուրաքանչյուր այց սկսվում է խորհրդատվությունից։ Պոդոլոգը զննում է ոտքերը, հարցնում է քրոնիկ հիվանդությունների, կենսակերպի և առկա գանգատների մասին։ Գնահատման հիման վրա կազմվում է անհատական բուժման պլան։

Պրոցեդուրայի փուլերը՝

• Ոտքերի և եղունգների ախտորոշիչ զննում
• Մաշկի փափկեցում պրոֆեսիոնալ միջոցներով (առանց ջրում թրջելու)
• Սարքային մշակում՝ հիպերկերատոզի հեռացում, եղունգների մշակում, կոշտուկների հեռացում
• Բուժիչ կամ հակասնկային միջոցների կիրառում
• Տնային խնամքի և կանխարգելման խորհուրդներ

Բոլոր գործիքները ստերիլացվում են յուրաքանչյուր այցից առաջ։ Պրոցեդուրան ցավազուրկ է և անվտանգ, այդ թվում՝ քրոնիկ հիվանդություններ ունեցող պացիենտների համար։

Կլինիկական մոտեցման առավելությունները գեղեցկության սրահի համեմատ

Շատերը սխալմամբ կարծում են, թե սրահում կատարվող սարքային ոտնահարդրումը նույնն է, ինչ բժշկական ոտնահարդրումը։ Իրականում՝ ոչ։

Կլինիկական պայմաններում աշխատող պոդոլոգը՝

• ունի բժշկական կրթություն և պոդոլոգիայի մասնագիտացում
• լավ հասկանում է ոտքի անատոմիան և յուրաքանչյուր միջամտության ազդեցությունը առողջության վրա
• աշխատում է բժշկական կարգի սարքավորումներով և սերտիֆիկացված միջոցներով
• կարող է ճանաչել սնկային վարակների, դիաբետիկ ոտքի, օնիխոլիզիսի և այլ խնդիրների նշանները

Անփորձ մասնագետը, որը ագրեսիվ կերպով հեռացնում է հաստացած մաշկը, կարող է առաջացնել ավելի ուժեղ կրկնաճ՝ որպես օրգանիզմի պաշտպանական ռեակցիա։ Պոդոլոգը խուսափում է նման մոտեցումից։

Պոդոլոգիա Մեդսեթ կլինիկայում․ Ուրիշ ինչ ենք բուժում

պոդոլոգիայի բաժինը զբաղվում է ոտքերի խնդիրների համապարփակ բուժմամբ: Բացի բժշկական ոտնահարդրումից, մեր մասնագետները զբաղվում են նաև՝

• ճաքած կրունկների բուժմամբ
• ներաճած եղունգների ոչ վիրահատական շտկմամբ
• եղունգների և ոտքերի սնկային վարակների (օնիքոմիկոզ) բուժմամբ

Դուք կարող եք գրանցվել բժշկական ոտնահարդրման Մեդսեթում առցանց կամ հեռախոսով։ Մենք գտնվում ենք Երևանում՝ Աբովյան 16 հասցեում, 3-րդ հարկ։